3 лiстапада ў фiлiяле «Гудзевiцкая сельская бiблiятэка» для вучняў 4 класа ДУА «Гудзевiцкая сярэдняя школа» прайшла лiтаратурная гадзiна «Як песня народа неўмiручы наш Колас», прысвечаная 140-годдзю з дня нараджэння майстра беларускага слова.

Якуб Колас — адзiн з пачынальнiкаў беларускай дзiцячай паэзii, у сваiх вершах i паэмах ён тонка раскрываў псiхалогiю падлеткаў. Акрамя таго, Колас стварыў шэраг падручнiкаў па роднай мове. Дзецi змаглi пашырыць свае веды аб жыццёвым i творчым шляху мастака слова, здзейснiць вiртуальнае падарожжа па Коласавых мясцiнах i дакрануцца да творчай спадчыны, якая была прадстаўлена кнiгамi паэта.

Гучалi прыгожыя вершы пра Радзiму і мову, байкi i казкi з кнiгi «Другое чытанне для дзяцей беларусаў».

Школьнiкi выказалi сваю павагу да бессмяротнай паэзii народнага песняра, абудзiлi iмкненне да чытання яго мастацкiх твораў.