23 лютага 2015 года ў літаратурна-музычнай гасцёўні “Натхненне” ДУК “Мастоўская раённая бібліятэка” адбылося чарговае пасяджэнне, прымеркаванае да Міжнароднага дня роднай мовы. Удзел у мерапрыемстве прынялі вучні 8-х класаў Гімназіі №1 г.Масты. Супрацоўнікі бібліятэкі пазнаёмілі прысутных з гісторыяй узнікнення і станаўлення нацыянальнай мовы беларусаў. Добрае веданне беларускага фальклору і асаблівасцяў беларускай мовы ўдзельнікі мерапрыемства прадэманстравалі ў гульнях “Зразумей мяне” і “Рассыпаныя прыказкі”, конкурсе “Якія фразеалагізмы не могуць без мяне існаваць”. Матэрыялы кніжнай выставы па гісторыі беларускага слова “Гімн роднай мове” дазволілі прасачыць шлях станаўлення нацыянальнай мовы беларусаў.