У філіяле “Рагозніцкая сельская бібліятэка” прайшла экскурсія для дзяцей пачатковых класаў ГУО “Рагозніцкая сярэдняя школа”. Падчас экскурсіі дзеці пазнаёміліся з бібліятэкай, з заламі бібліятэкі, выставамі кніг. Загадчык бібліятэкі падкрэсліла важнасць і значэнне бібліятэкі, расказала аб правілах карыстання кнігай, адказала на найбольш цікавыя для дзяцей пытанні. Кожны прысутны ўбачыў, што ў бібліятэцы знаходзіцца вялікае мноства цудоўных кніг для ўсіх узростаў.