1 кастрычніка Зарудаўеўскай сельскай бібліятэкай быў праведзены ўрок міласэрнасці “Чти того, кто немощен и сед, чтоб уважали и тебя на склоне лет”, прымеркаваны да Дня пажылых людзей.

 Што такое дабрыня і міласэрнасць? Які чалавек можа называцца добрым і міласэрным? Менавіта пра гэта ішла гаворка з маленькімі чытачамі на сустрэчы. Асаблівую ўвагу бібліятэкар звярнула на адносіны да бацькоў, пажылых, хворых людзей, якім патрэбна чалавечая ўвага, дабрыня і падтрымка. Напрыканцы мерапрыемства дзецям было прапанавана зрабіць віншавальныя паштоўкі для людзей сталага ўзросту.