13 жніўня мядзедзь Міхась запрасіў выхаванцаў ДУА “Дашкольны цэнтр развіцця дзіцяці г.Масты” ў Мастоўскую раённую бібліятэку, каб паўдзельнічаць у майстар-класе па лялечнаму тэатру “Казачны свет лялек”. Разам з галоўным героем хлопчыкі і дзяўчынкі вучыліся ствараць рэквізіт для тэатра на стаканчыках па матывах беларускай народнай казкі “Каза-манюка”, а потым пераўтварыліся ў артыстаў лялечнага тэтра. З цікавасцю паглядзелі дзеці спектакль па казцы “Дзедава рукавічка” тэтра ценяў, што дзейнічае ў Мастоўскай раённай бібліятэцы.  Далей хлопчыкаў і дзяўчынак чакалі рухомыя гульні, эстафеты. Мерапрыемства адбылося ў рамках праекта “Беларуская казка: традыцыі і наватарства”.