Паважаныя сябры! Мастоўская раённая бібліятэка прапануе вашай увазе бібліятэчны інтэрактыў:

патрыятычны праект “Гонар маёй вёскі” распрацаваны для ўдзелу ў рэспубліканскім конкурсе на лепшы культурны праект патрыятычнай тэматыкі ў намінацыі “Лепшы інтэрактыўны бібліятэчны праект культурна-асветніцкай дзейнасці раённых бібліятэк”. Абгрунтаванне праекту.

Праект уяўляе сабой базу дадзеных у выглядзе карты Мастоўскага раёна. Каб пачаць падарожжа, трэба націснуць на мігатлівы тэг на карце. Перад вамі з’явяцца асноўныя раздзелы праекта:

— Славутасці роднага краю, або “Гонар маёй вёскі”;

— Знакамітыя землякі;

— Легенды і паданні роднага краю;

— Паэзія родных мясцін;

— Забаўляльны кантэнт.

Націскаеце на мігатлівы тэг побач з патрэбным раздзелам.

У першым разделе вы пазнаёміцеся з відэаролікамі, якія паведамяць аб тым, чым ганарыцца кожная вёска нашага раёна.

У раздзеле “Знакамітыя землякі” відэаролікі знаёмяць нас з лёсамі таленавітых ураджэнцаў Мастоўшчыны.

Цікавыя, прывабныя і чароўныя легенды і паданні пра падзеі мінулых часоў, пра родныя мясціны сабраны ў наступным раздзеле.

Шмат таленавітых паэтаў нарадзіла Мастоўская зямля, вершы якіх сабраны ў раздзеле “Паэзія родных мясцін”.

Інтэрактыўны, забаўляльны кантэнт у апошнім раздзеле прапануе скласці пазлы, разгадаць крыжаванкі, адказаць на пытанні віктарын.