Свята-Ражства-Багародзіцкая царква ў аг.Пацавічы

 Пацевичи

Знаходзіцца на ўсходняй ускраіне вёскі Пацавічы. Пабудавана ў 1867 годзе з дрэва. З’яўляецца помнікам народнага дойліцтва. Вырашана прамавугольным вертыкальна выцягнутым зрубам пад 2-схільным дахам, трохвугольны ўсечаны франтон якога завершаны цыліндрычным каркасным барабанам з цыбулепадобнай галоўкай: над алтарнай часткай макаўка. Вертыкальна ашаляваныя фасады прарэзаны прамавугольнымі аконнымі праёмамі ў разных ліштвах. Франтальны фасад расчлянёны 3 прамавугольнымі дзвярнымі праёмамі з разнымі сандрыкамі і лапаткамі ў прасценках.

 Літаратура:

  1. Кулагін,А.М. Праваслаўныя храмы Беларусі: Энцыкл. даведнік/ А.М.Кулагін.- Мн., 2007.- С.317.
  2. Новікава, Г.М. З гісторыі населеных пунктаў Мастоўскага раёна. Пацавічы / Г.М. Новікава // Памяць : Гіст.- дакум. хроніка Мастоўскага раёна. – Мінск, 2002. – С. 562 – 563.
  3. Пацевичская церковь Рождества Богородицы // Регионы Беларуси : энциклопедия. В 7 т. Т. 4. Гродненская область. В 2 кн. Кн. 2. / редкол. : В.В. Андриевич (гл. ред.) [и др.]. – Минск : Беларус. энцыкл. імя П. Броўкі, 2014. – С. 233.
  4. Сабасцян,А. Пацавічы: Біяграфія нашых вёсак [Свята-Ражства-Багародзіцкая царква]// Зара над Нёманам.- 1998.- 11 сак.