ЗАЦВЯРЖДАЮ

Дырэктар ДУК “Мастоўская

раённая бібліятэка”

                              Т.І.Стэльмах

“_____”____________2016 г.

 

 ПАЛАЖЭННЕ

 аб правядзенні раённага творчага конкурсу на лепшы аўтарскі верш

да 530-годдзя з дня заснавання горада Масты

“Пра цябе свае вершы складаю …”

 Агульныя палажэнні 

• Творчы конкурс на лепшы аўтарскі верш “Пра цябе свае вершы складаю…” (далей – Конкурс) праводзіцца ў рамках рэалізацыі праграмы па падрыхтоўцы і святкаванню 530-годдзя з дня заснавання горада Масты;
• Арганізатарам Конкурсу з’яўляецца ДУК “Мастоўская раённая бібліятэка”.

2. Мэты і задачы Конкурсу 

• Конкурс праводзіцца з мэтай выяўлення, папулярызацыі здольнасцей таленавітых паэтаў Мастоўшчыны, якія пішуць пра родны край і стварэнне ўмоў для іх актыўнай творчай дзейнасці.
• Асноўнымі задачамі Конкурсу з’яўляюцца:
  • павышэнне цікавасці мастаўчан да гісторыі сучаснасці і будучыні свайго горада;
  • стварэнне асяроддзя творчых зносін, сітуацыі поспеху;
  • спрыянне развіццю творчага патэнцыялу і папулярызацыі паэтычных здольнасцяў аўтараў – жыхароў г.Масты і Мастоўскага раёна;
  • прадастаўленне магчымасці для пераможцаў прадэманстраваць свае паэтычныя здольнасці перад насельніцтвам раёна.

3. Прадмет і ўдзельнікі правядзення Конкурсу 

• Конкурс праводзіцца сярод насельніцтва Мастоўскага раёна не залежна ад узросту;
• Тэмай для вершаў прадстаўленых на Конкурс павінна паслужыць юбілейная дата – 530-годдзе з дня заснавання горада Масты.

4. Умовы і тэрмін правядзення Конкурсу 

• Конкурс праводзіцца з 1 студзеня 2016 года па 1 жніўня 2016 года;
• Заяўкі на ўдзел і творчыя працы прымаюцца ў адрас Мастоўскай раённай бібліятэкі да 1 ліпеня 2016 года;
• На Конкурс прымаюцца толькі вершы;
• Кожны ўдзельнік можа прадставіць на Конкурс не больш за тры вершы;
• Вершы, высланыя пазней пазначанага тэрміну, разглядацца журы не будуць.
• Вершы прымаюцца ў суправаджэнні заяўкі (дадатак);

5. Патрабаванне да работ

• На Конкурс прымаюцца:
  • вершы любога аб’ёму;
  • вершы незалежна ад даты іх напісання;
  • вершы павінны быць напісаны на беларускай ці на рускай мовах;
  • вершы, якія змяшчаюць ненарматыўную лексіку, а таксама вершы, якія маюць у змесце прыкметы распальвання нацыянальнай, расавай альбо рэлігійнай варожасці да конкурсу не дапускаюцца;
  • вершы павінны мець назвы і могуць суправаджацца каментарамі аўтараў.
• Накіроўваючы свае вершы на Конкурс, кожны ўдзельнік павінен паказваць поўную інфармацыю пра сябе:
  • прозвішча, імя, імя па бацьку;
  • ўзрост;
  • поўны паштовы адрас.
• Маляўніча і творча аформіць матэрыял на Конкурс.

6. Падвядзенне вынікаў Конкурсу 

• Вынікі Конкурсу падводзяцца:
  • на пасяджэнні журы на працягу 20 дзён пасля заканчэння прыёму заявак;
  • па трох ўзроставых групах:
    • дзеці (да 15 гадоў);
    • моладзь (ад 16 да 30 гадоў);
    • дарослыя (ад 31 года).
  • У кожнай узроставай групе па рашэнні журы вызначаюцца дыпламанты I, II, III ступеняў.
  • Вызначэнне пераможцаў ажыцяўляецца па наступных крытэрыях:
    • адпаведнасць накірунку Конкурса;
    • актуальнасць;
    • навізна і арыгінальнасць;
    • якасць афармлення матэрыялаў.

• Узнагароды Конкурсу 

• Пераможцы Конкурсу ўзнагароджваюцца дыпломамі I, II, III ступеняў па кожнай узроставай группе;
• Пераможцам прадставіцца магчымасць прачытаць свае вершы са сцэны, падчас святкавання юбілею горада;
• Ўзнагароджанне пераможцаў Конкурсу плануецца правесці на свяце горада, якое будзе прымеркавана да 530-годдзя заснавання горада Масты не пазней чым 1 лістапада 2016 года;
• Спіс пераможцаў будзе размешчаны на сайце ДУК “Мастоўская раённая бібліятэка”.

 Дадатак № 1

ЗАЯЎКА

на ўдзел у раённым творчым конкурсе

на лепшы аўтарскі верш прысвечаны

530-годдзю з дня заснавання горада Масты

“Пра цябе свае вершы складаю…”

1.  Прозвішча_______________________________________________

2. Імя_____________________________________________________

3. Імя па бацьку____________________________________________

4. Узрост__________________________________________________

5. Месца вучобы альбо працы_________________________________

6. Адукацыя _______________________________________________

7. Паштовы адрас___________________________________________

8. Тэлефон_________________________________________________