![](http://mostylib.by/wp-content/uploads/0-02-05-883671f5a427037e609ce5226ee9e7131265ec68cf9570b6be850603949be827_a02047c8-300x226.jpg)
21 лiпеня ў фiлiяле “Гудзевiцкая сельская бiблiятэка” сабралiся ўдзельнiкi аматарскага аб`яднання “Залаты ўзрост” на лiтаратурны вечар-прэзентацыю “Суквецце любовi” (ў рамках раённай бiблiятэчнай праграмы “В гармонии с возрастом” на 2021 – 2023 гг.).
Увазе прысутных была прадстаўлена новая кнiга нашага вядомага паэта-земляка, члена Гродзенскага абласнога аддзялення Саюза пiсьменнiкаў Беларусi, Мiкалая Пятровiча Iваноўскага. Мiкалай Пятровiч выбраў смелую назву для сваёй новай кнiгi, асаблiва, калi ўзгадаць, што выдавалася яна з нагоды 70-гадавога юбiлею аўтара. Але ж, любовi пакорлiвыя ўсе ўзросты, як некалi пiсаў класiк рускай лiтаратуры А.С. Пушкiн.
Кнiга складаецца з пяцi раздзелаў. Менавiта тэме кахання прысвечаны першы раздел гэтай кнiгi пад назвай “Вясной вяртаецца любоў…”, i ён самы, бадай, буйны раздзел зборнiка. Тут можна прачытаць пра каханне ва ўсiх яго праявах, шчаслiвае i няшчаснае, якое дорыць акрыленасць альбо пакуты, але без якога жыццё немагчымае…
Другi раздзел зборнiка называецца “Памяць не парвецца…”. Ён змяшчае вершы патрыятычнай тэматыкi. Трэці раздзел – “А вёсачка вабiць…” – гаворыць сам за сябе. Тут змешчаны вершы, прысвечаныя малой радзiме Мiкалая Iваноўскага – вёсачцы Пачуйкi, што на Ваўкавышчыне. Тэматыку трэцяга раздзела кнiгi працягвае раздзел чацвёрты – “Пах палёў, збажыны…”, дзе знаходзяцца лiрычныя вершы пра прыроду i поры года. Завяршае кнiгу пяты раздзел – “Байкi i жарты”. У iм змешчана гумарыстычная паэзiя.
Пра ўсе гэтыя разделы расказаў сам Мiкалай Пятровiч. Ён прачытаў некалькi вершаў з кожнага раздзела і падарыў бiблiятэцы сваю новую кнiгу. Ганарымся тым, што нашы чытачы могуць прачытаць амаль усе кнiгi вядомага паэта.
Вечар закончыўся сюрпрызам! Удзельнiца аб`яднання, музыкант-запальнiчка Цуркан Янiна, выканала песню “Любовi днi” на сваю музыку i на верш Мiкалая Пятровiча з новай кнiгi.
![](http://mostylib.by/wp-content/uploads/0-02-05-50d76f01682264e316fc1a8d96c6226b0c7ddc109402b933561c6d8de3e2524e_a1e08595.jpg)
![](http://mostylib.by/wp-content/uploads/0-02-05-0142f595f7d8f8329cd14f6a33a67a2ab7a80a139ea3f66fd03f5bd2ea3445d4_143558fe.jpg)
![](http://mostylib.by/wp-content/uploads/0-02-05-70249a068f4c848e0a7fc95c9628fde58c0fef6203165b5271e849399bb3933f_6056fb20.jpg)
![](http://mostylib.by/wp-content/uploads/0-02-05-883671f5a427037e609ce5226ee9e7131265ec68cf9570b6be850603949be827_a02047c8.jpg)
![](http://mostylib.by/wp-content/uploads/0-02-05-d76b61d11975ce34548561c9e7840dad6f081e87dcdadea1f3f17c4c45919efb_4b6bcb4c.jpg)
![](http://mostylib.by/wp-content/uploads/0-02-05-2d5b3135903fe9149342809dab32c9944c1ffce7bcbe0309296f75038b598798_f8cb07b1.jpg)
![](http://mostylib.by/wp-content/uploads/0-02-05-9b9aaf91fe3e76ffc2bc92d13aa5cda453bb82718129a051604217a0bf339926_c16addaf.jpg)