![](http://mostylib.by/wp-content/uploads/0-02-05-6051ed712c4557130a92d1e6be50512977b9a4f5cee0684606783398c9cf702b_b6ebe04859136d7c-300x225.jpg)
Вялiкая Айчынная вайна адыйшла ў гiсторыю. Сённяшняе пакаленне не ведае жахаў вайны, яно не бачыла спаленых вёсак, разбураных гарадоў. Але ведаць і памятаць, што такое вайна павінны ўсе.
Беларускiя вершы пра вайну – гэта летапiс жалю, болю… Яны ўзрушваюць да глыбiнi свядомасцi. Яны поўныя веры ў перамогу, усхваляюць мужнасць, сiлу i годнасць беларускага народа, якi здолеў перамагчы ў той страшнай вайне.
28 красавiка ў фiлiяле “Мiкелеўшчынская сельская бiблiятэка” ладзiлicя гучныя чытаннi “Радкi, абпаленыя вайной”. Удзельнiкi мерапрыемства пранiкненна чыталi вершы беларускiх паэтаў про вайну на роднай мове. Якуб Колас заклiкаў баранiць Радзiму ў вершы “На абарону”. Пiмен Панчанка – паэт-франтавiк – у гады вайны пабываў на чатырох франтах, пазнаў кошт жыцця i смерцi. Яго невялiчкi верш “Герой” – сапраўдны помнiк простаму салдату. Пятрусь Броўка прысвяцiў беларускiм партызанам верш “Партызанскi марш”.
Асаблiва глыбокi след, страшны i чорны, пакiнула вайна ў душах дзяцей. З маленства былi на вайне беларускiя паэты – Рыгор Барадулiн, Нiл Гiлевiч, Анатоль Вярцiнскi. Па iх вершах мы спрабуем уявiць жыццё дзяцей, якiх абпалiла полымя вайны і памятаем…
![](http://mostylib.by/wp-content/uploads/0-02-05-8caaf25fc70261423b5d70683c7f2bd721320b8f0ed80ae1327e16ecd1abf902_2a0b5eb6af2d12d7-1024x768.jpg)
![](http://mostylib.by/wp-content/uploads/0-02-05-44b805623731d7d40c81042ab9c774eb04e1dc1401d4d9a12cef4cc5c0b7602e_f4a1a6299d8146e4-1024x768.jpg)
![](http://mostylib.by/wp-content/uploads/0-02-05-63cb68eb9a48ee6f48d4efe2dbbaacbe73475aaa39daa10e4bbdebf619a8f503_3af62e3d538c23b1-1024x768.jpg)
![](http://mostylib.by/wp-content/uploads/0-02-05-295d73d30de967495e1d6fd4a36c627910a2bc8e10593083ffd3f2196fb63de2_f999abbf1d9302dc-1024x768.jpg)
![](http://mostylib.by/wp-content/uploads/0-02-05-9542e490ea91e4b08f3d977966ab744be904e6becf6b82fa66e57e8b3ef752c9_d22d92bd45c8aeab-1024x768.jpg)