![](http://mostylib.by/wp-content/uploads/0-02-0a-143c778761b00725bc9a388676699856ae3d88ac9762a9a8e78d255c8173bce7_bc6d59f324a85bc8.jpg)
2 снежня ў Зарудаўеўскай сельскай бібліятэцы прайшла гадзіна духоўнасці “Духоўная спадчына малой радзімы”.
Бібліятэкар падзялілася сваімі ўражаннямі аб IХ Беларускіх калядных адукацыйных чытаннях, дзе былі ўзнагароджаны пераможцы IХ Рэспубліканскага конкурсу “Бібліятэка – цэнтр духоўнай асветы і выхавання”.
Сярод пераможцаў у намінацыі “Гісторыя праваслаўя роднага краю” за “Летопись Свято-Покровской церкви д.Белавичи Мостовского района Гродненской области” Зарудаўеўская сельская бібліятэка атрымала першае месца.
Бібліятэкар падзялілася сваімі эмоцыямі падчас узнагароджання самым метрапалітам Мінскім і Заслаўскім Веніямінам, Патрыяршым Экзархам усея Беларусі, паведала прысутным аб Беларускіх калядных адукацыйных чытаннях, пазнаёміла з кнігамі, якія атрымала ў падарунак.
Удзельнікі мерапрыемства праглядзелі Летапіс і пачулі, як збіралася інфармацыя па гісторыі храма, вяліся пошукі матэрыялаў у інтэрнэце і перапіска ў сацыяльных сетках, вывучалася літаратура краязнаўчага характару, дакументы з розных архіваў, дзяліліся ўспамінамі і фота з асабістых архіваў старэйшыя прыхаджане.
Разам з супрацоўнікамі аддзела маркетынгу і сацыякультурнай дзейнасці раённай бібліятэкі была праведзена крапатлівая праца па вывучэнні рарытэтных дакументаў, перакладзе і іх расшыфроўцы. Вялікая работа была праведзена і па арыгінальным афармленні конкурснай работы.
Удзельнікі гадзіны духоўнасці засталіся задаволеныя, радаваліся, што і ў Бялавіцкай царквы ёсць цяпер летапіс, выказвалі шчырыя словы падзякі.
![](http://mostylib.by/wp-content/uploads/0-02-0a-900bbe6184b2c77aa8ecc88baca0b86b33392915d77b240b3584936da963a1f6_61542e574b77ed1.jpg)