Да 80-годдзя Вялікай Перамогі 29 сакавіка ў філіяле “Мікелеўшчынская сельская бібліятэка” сярод моладзі адбыліся гучныя чытанні “Ваенная паэзія Пятруся Броўкі”.  Мерапрыемства таксама прымеркавана да 120-годдзя з дня нараджэння народнага паэта Беларусі .

         З самага пачатку вайны П. Броўка надзеў шынель і паклаў у кішэню блакнот, каб весці летапіс грозных дзён Радзімы, змагацца з ворагам штыком і пяром. Свой талент паэт аддаваў народу, справе перамогі. Паэт стварыў вершы, балады, паэмы, у якіх  раскрываюцца высокія маральныя якасці савецкіх людзей, іх масавы гераізм на фронце і ў тыле, непераможнасць і вера ў канчатковы разгром ворага. На мерапрыемстве прагучалі вершы  Пятруся Броўкі  “Маці”,  “Спатканне”,  “Рана”,  “Партызанскі марш”, “Надзя-Надзейка” і іншыя.

          Бібліятэкар пазнаёміла прысутных з паэмай “Голас сэрца”, якая была напісана пасля вайны ў 1960 годзе.  Твор прысвечаны маці паэта, Алене Сцяпанаўне, якая у час нямецкай  акупацыі была вывезена ў Асвецым, дзе і загінула.